ENTROIDO GALEGO

QUE NON PARE A FESTA, RECOIRO!

QUERO SITIO NO FOLIÓN!

QUE O ENTROIDO E PARA ENCHEDOIROS

E AQUÍ VÉN O MÁIS LAMBÓN!

Entroido de bibliomaruxa

VÍDEO EXPLICATIVO 5º C: GALICIA OS NOSO TRAZOS DE IDENTIDADE.

 Ola amiguiños e amiguiñas:

O alumnado de 5º C quere explicar a todo o colexio o moito que aprenderon na primeira avaliación sobre Galicia, imos escoitalos moi atentos e atentas.

U bruxibiquiño

Maruxa

Fondo de Vídeo Teatro Rojo Negro Vídeo de bibliomaruxa

EXPOSICIÓN DOS TRABALLOS REALIZADOS NAS AULAS NA 1ª AVALIACIÓN

 

O APALPADOR

 Ola amiguiños e amiguiñas:

Como ben sabedes, este curso levamos a cabo un PDI sobre Galicia. Por tal razón, á nosa biblioteca chegou polo Nadal unha personaxe moi especial:

O APALPADOR.

Foi deixando por todas as aulas unha postal para que todos os nenos e nenas do colexio coñeceran quen é e puxo a disposición das aulas un libros que contan a súa historia. 

Podedes ver o resultado nestas fotiños

Un bruxibiquiño.

OBRADOIRO DE REGUEIFAS

 Ola amiguiños e amiguiñas:

Sabedes o que é unha regueifa? 

A regueifa é unha cantiga improvisada entre dúas ou máis persoas que seguen un mesmo cantar ou son durante o tempo que dura unha disputa sobre un tema determinado. Ademais, ten a característica de que cada regueifeiro canta unha estrofa de catro versos octosílabos nos que riman os pares e quedan libres os impares (de maneira que formalmente coincide coa copla .

Forma parte da nosa cultura tradicional  galega e queriamos dala a coñecer entre o noso alumnado de quinto e sexto de Primaria.

Para iso contamos cuns obradoiros  da man de Gaudalupe Blanco Vázquez  (que forma parte do proxecto Enregueifate) no noso colexio onde participaron os nenos e nenas destes cursos. Pasaron un anaco moi divertido, aprenderon o que é a regueifa e como nos gustou tanto a experiencia construirán as súas propias regueifas que na vindeira avaliación compartirán con todos nós.

Para comezar amosamos unhas imaxes do obradoiro levado a cabo o día 14 de decembro da man do EDLG do colexio.

Un bruxibiquiño

CONCERTO DE MÚSICA TRADICIONAL GALEGA

Ola amiguiños e amiguiñas:

Hoxe tivemos unha visita moi especial na nosa biblio. O grupo de música tradicional galega da Xunta de Galicia veu dar un concerto para o alumnado de 5º de educación Primaria. 

Empapámonos de alboradas, muuiñeiras e tamén nos amosaron instrumentos tradicionais da nosa terriña: Gaita, zamfona, tambores... canto aprendemos coas explicacións e coa súa música.

Un bruxibiquiño

NOVIDADES PARA O PDI

 Ola amiguiños e amiguiñas:

Á nosa bruxa quere que teñades á vosa man información sobre o proxecto deste curso sobre Galicia. Para iso, foi na súa vasoira dar unha volta polas librerías do barrio e mercou uns cantos libros para que estén na sección do proxecto. Así podedes levalas á vosa aula e poder disfrutar delas.

Podedes velas nestas fotiños.

Un bruxibiquiño

O MAGOSTO

 Ola amiguiñas e amiguiños:

Novembro é mes de castañas, asadas, cocidas... e MAGOSTO, moito MAGOSTO.

Por iso no cole o 3 de novembro conmemoramos esta festa que tanto nos gusta coa nosa tradicional castañada e tamén cos xogos populares grazas ao equipo de EF, e dentro do noso PDI: GALICIA AS NOSAS SEÑAS DE IDENTIDADE.

Deixámosvos unha presentación para que poidades ver a nosa festa tan divertida.

Un bruxibiquiño.

O MAGOSTO de bibliomaruxa

SAMAÍN

 Ola amiguiñas e amiguiños!

Vimos de celebrar o Samaín. Xa dende hai unha semana na biblio estivemos traballando seres da nosa mitoloxía galega:

- O Pedro Chosco en Infantil.

- O trasno en 1º e 2º de Primaria.

- O Urco en 3º e 4º de Primaria.

- A Compaña en 5º e 6º de Primaria. 

Todo dentro do noso PDI : Galicia: As nosas señas de identidade.

Asemade e da man do EDLG decoramos o corredor do colexio e do equipo de EF con festa o día 31. 

Podedes ver o ben que o pasamos e o moito que coñecemos neste vídeo.

Un bruxibiquiño.

Copia de SAMAÍN NO CEIP SAGRADA FAMILIA ( A CORUÑA) de bibliomaruxa

PRESENTACIÓN DO PDI

 Ola amiguiñas e amiguiños:

Que emoción  iniciar unha nova aventura con vós! 

Resulta que o pasado 9 de outubro todas as aula de quinto e sexto recibiron unha carta de Maruxa onde lles encomendaba ir polas outras aulas do colexio entregándolles un agasallo e explicando o novo PDI que entre todos construiremos ao longo deste curso.

E chegou o día 16, o día en que os maiores foron polas aulas expoñendo o proxecto e compartindo ilusións entre todos e todas. 

Aquí tedes unhas cantas fotos e tamén a presentación do proxecto que fixeron os maiores.

Seguimos compartindo ilusións.

Un bruxibiquiño

Copia de NÓS E O MUNDO de bibliomaruxa